An tAistriúchán tosaigh – Déanann ár bhfoireann sároilte gach píosa den téacs a aistriú, agus baineann siad úsáid as a gcuid saineolais teangeolaíochta agus tuiscint chomhthéacsúil chun ciall na bhfocal a thabhairt slán ón bhunteanga isteach sa sprioctheanga.

Taighde agus Iniúchadh – Déantar taighde go cúramach ar gach téacs le go mbeidh tuiscint iomlán ag an aistritheoir chun na tréithe caolchúiseacha agus miondifríochtaí teanga a aimsiú. Tá sé seo ríthábhachtach i dtaca le téacs a bhaineann le cúrsaí airgeadais nó cúrsaí teicniúla ionas go ndéanfar cinnte de go n-aistreofar gach mionsonra go cruinn.

Léamh Profaí – Tar éis an bhun aistriúcháin déantar léamh profaí ar an téacs chun snas a chur ar an sprioctheanga agus ar an struchtúr. Is céim thábhachtach í seo chun sruth nádúrtha sa sprioctheanga a bhaint amach.

Eagarthóireacht – Déanann ár n-aistritheoirí eagarthóireacht ar an téacs chun grinneas, ton agus comhleanúnachas a fheabhsú. Déanann an chéim seo cinnte de go bhfuil an t-aistriúchán ábhartha maidir leis an sprioctheanga agus go bhfuil sé seasmhach ó thaobh stíle de.

Athbhreithniú Comhoibríoch – Sula gcríochnaítear an téacs déanann ár bhfoireann athbhreithniú comhoibríoch ar gach aistriúchán ionas go gcuirfear an snas críochnúil ar an téacs. Déanann sé sin cinnte de go bhfuil gach téacs cruinn, gairmiúil agus in oiriúint don sprioc léitheoir.

Beart de réir ár mbriathair – Bímid ag feidhmiú de réir amscála comhaontaithe agus cuirimid an téacs ar fáil sa leagan amach cuí, rud a cruthaíonn próiseas atá éifeachtach agus fónta.